|
بئلاقا گؤره بؤلوم لر وئبلاقین بوخجاسی یولداش لار
یارپاق لار سایغاج
تئهران تورك دير اؤز بئلاقينيزا خوش گلدينيز | Öz belaqiniza xoş gəlidiniz دوشنبه 18 اسفند 1393 :: یازار: ادمين
منده سیغار ایکی جهان، من بو جهانه سیغمازام گؤوهری لامکان منم، کؤونو مکانه سیغمازام عرشله فرش و کافو نون منده بولوندو جومله چون کس سؤزونو و ابسم اول، شرح و بیانه سیغمازام کؤونو مکاندیر آیتیم، ذاتی دورور بیدایتیم سن بو نیشانلا بیل منی، بیل کی، نیشانه سیغمازام کیمسه گومانه ظن ایله اولمادی حق ایله بیلیش حققی بیلن بیلیر کی، من ظنّو گومانه سیغمازام صورته باخ و معنینی صورت ایچینده تانی کیم جیسم ایله جان منم ولی، جیسم ایله جانه سیغمازام هم صدفم، هم اینجییم، حشرو صیرات ادینجییم بونجا قوماش و رخت ایله من بو دوکانه سیغمازام گنجی- نیهان منم من اوش، عئینی- عیان منم، من اوش، گؤوهری- کان منم من اوش، بحرو و کانه سیغمازام گرچی موحیطی- اعظمم، آدیم آدامدیر، آدمم دار ایله کونفکان منم، من بو مکانه سیغمازام جان ایله هم جاهان
منم، دهریله هم زامان منم نجوم ایله فلک منم، وحی ایله هم ملک منم چک دیلینی و ابسم اول من بو لیسانه سیغمازام زرره منم، گونش منم، چار ایله پنجو شئش منم صورتی گؤر بیان ایله، چونکی بیانه سیغمازام ذات ایلیم صیفات ایله، قدر ایلیم برات ایله گولشکرم نبات ایله، بسطه دهانه سیغمازام نار منم، شجر منم، عرشه چیخان هجر منم گؤر بو اودون زبانه سین، من بو زبانه سیغمازام شمس منم، قمر منم، شهد منم، شکر منم روحی- روان باغیشلارام، روحی- روانه سیغمازام گرچی بو گون نسیمیم، هاشیمیم، قورئیشیم بوندان اولودور آیتیم، آیت و شأنه سیغمازام شاعیر: عماد الدین نسیمی بؤلوم : قوشوق، یاپیشغین لر : ایلیشگیلی لینک لر : سه شنبه 27 آبان 1393 :: یازار: ادمين
دوشنبه 12 خرداد 1393 :: یازار: ادمين
 قوي قارداش درديمي دئييم باري بيل گونئي دن– قوزئيه، غربدن– شرقه. هانسي خالقي گؤردون بيزيم تك ذليل؟ دئميرم دونيادا اسارت يوخدور چوخ يئره سونگو تاخميش استعمار، آنجاق بيزيم كيمي اَزيلن آزدير، هاردا حاق وئرمز وار حاق تاپيلماز وار! ميللي آزادليقلار عصري اولسادا هر يئرده، هر ياندا آدي بو عصرين نه ائتمك «دونياني بوغدا توتسادا، كهليين روزيسي چينقيلدير» همين بو شرف، بو شوكت، بو قدرت، بو شان هاردا دوغورداندا بيزه عار اولسون! حياتين آمانسيز بير قانونو وار، تعصوب سيز ميللت گرك خوار اولسون. ميللي تعصوب دن دانيشديم اولسون اصليني ايتيرنده حارامزاده دير، مرد اوغول وطنين حاققين ايتيرمز، وطن اينسانا اَن بؤيوك آنادير. قويون محكوم اولوم ميلت چي ليگه، دونيادا ميليتين سئومه ين كيمدير؟! ديلين، ائلين يوردون تالان ائتسه لر آجييب باشينا دؤيمه ين كيمدير؟! گرك گؤزلريندن گؤز اؤرته هر كس قارغا يوواسينا ياناشسا اگر، نييه وطنيمي سئومه ييم نييه؟ من قارغادان دا اسگييم مگر؟ من دئميرم اوستون نژاددانام من دئميرم ائللريم ائللردن باشدي منيم مسلكيمده منيم يولومدا، ميلت لر هاميسي دوستدور، قارداشدير. چاپماق ايسته ميرم من هئچ ميلتين، نه ديلين نه يئرين نه ده امه يين تحقير ائتمه ييرم، هده له ميرم كئچميشين، اينديسين، يا گله جه يين من آييرما ييرام آيري سالميرام، قارداشي، قارداشدان، آروادي اَردن آناني بالادان، اَتي ديرناقدان، اوره يي اوركدن، قانادي پردن پوزماق ايسته ميره م من بيرليك لري اينسانليق بير ليگي ايده آليمدير، قارداشليق يولداشليق ابدي باريش دونيادا اَن بؤيوك آرزولاريمدير. آنجاق بير سؤزوم وار: من ده اينسانام ديليم وار، خالقيم وار، يوردوم يووام وار، يئردن چيخماميشام گؤبه لك كيمي آدامام حاققيم وار ائليم اوبام وار قول يارانماميشام ياراناندا من هئچ كسه اولمارام نه قول نه اسير قورتولوش عصري دي اينسانا بو عصر اسير اولانلارين بوخووون كسير بؤلوم : قوشوق، یاپیشغین لر : ایلیشگیلی لینک لر : یکشنبه 25 اسفند 1392 :: یازار: ادمين
 دورنانيوز – سرويس توركي :گئجه نين سون چاغلارايدي . سحرين شفقي ياواش- ياواش قارانليغين بوخجاسين بوركوردو. يئر اوزره سي گئتديكجه ايشيق لانيردي . پنجره نين دومان باسميش شوشه سيني بارماقلاريملا سيليب ائشييه باخديم. هاوانين چم ليغي بوداقلارين اوستونده شئح مونجوغو ياراتمشيدي . بير آز گؤزلريمي يوخارئيا قالديرديم. حياط ديواري نين قيرناسيندان، ذيروه سي قارلي داغا گؤزوم ساتاشدي. گون ياواش ياواش ايشيغيني يئر اوزه رينه ساچيردي . داغين چئوره سينده كي گؤيون اوزو سويوقدان قيزارميش اوشاق اوزوكيمي آل – قيرميزي اولموشدو . گئت به گئت گونون شفقي داغين آرخاسيندان يئر اوزه رينه ياييليردي ، بير نئچه ساهات يئني ايل تحويلينه قالماميشدي يعني ۱۳۹۲- جي ايله. قولاغيم سس ده ايدي . آخي ائله اوگئجه يوخودا گؤرموشدوم . بير آغ آتا مينيب، آغ- آبباق پالتار اگنينده ، قارا رنگ لي يان قيليجي شاپكا باشيندا منه قارشي گليردي . سانيرديم گرچك دي . سئوينجدن گؤزلريمين گؤز ياشلاري دامجي دامجي ياناقلاريمدان آخيردي و دوداقلاريمين قيراغيندان دئمه ياسديغين اوزه رينه تؤكولوردو. بير آن يوخودان آييلديم. گؤزلريمي سيليب ديواردان آسيلان ساهاتا باخديم. گئجه نين بير ياريسين گؤستريردي . سحر واختينا ائله قالماميشدي. ياتابيلمه ديم . اوتوردوم ديزلريمي قوجاقلاديم. گؤزلريم ديوارداكي شكيلين گؤزلرينه ساتاشدي. سانكي اونون داگؤزلري منيم گؤزلريمه باخيردي. نيسگيل لي بير باخيش. باخيشلاريندا بير دونيا معنا قالانميشدي و گؤردويوم يوخونو بير داها خاطيرلاديم ، اوره ييم ديليمدن قاباق ديله گليب سيزلئيا ، سيزلئيا سؤيله ييردي هارداسان ؟ ندن مني يالنيز بوراخيب گئتدين؟ من سندن دويمادان، نه تئزمندن دويدون ؟ مه يه قرار دئييلدي منه داياق اولاسان ؟ اليمدن ياپيشيب، ييخيلماقدان قوروياسان؟ اولمايا فلك سندن دويموشدو؟… بؤلوم : قوشوق، یاپیشغین لر : ایلیشگیلی لینک لر : یکشنبه 8 دی 1392 :: یازار: ادمين
 طالعيمه سن باخ، دوشونجه لريم ياساق دويغو لاريم ياساق، دويغو لاريم ياساق كئچميشيم دن سوز آچماقيم ياساق آتا بابامين آدين چكمييم ياساق آنامدان آد آپارماقيم ياساق
ياساق، ياساق بؤلوم : قوشوق، یاپیشغین لر : ایلیشگیلی لینک لر : شنبه 4 آبان 1392 :: یازار: ادمين
سايانميرام بير، ايكي مني قينايير ننه م اوخولوموز يوخدور كي اوز ديليمي اويره نم بولبول كيمي سويله رم سوروشسالار يك و دو فارسجا ياخشي بيله رم اويرنديگيم بو دور بو توركجه دانيشسام سوزوم اسگيك گلر، قورتولار اولر اوزومده اوزوم ديليم سوسار، توتولار آنا ديلين آنلامي اونوتموشام دوغروسو اونوتقان بير آدامين گئده ر بير گون آبروسو بؤلوم : قوشوق، یاپیشغین لر : ایلیشگیلی لینک لر : جمعه 19 مهر 1392 :: یازار: ادمين
شاعر : آلما موغانلي گؤزله‌يين گلرم بيرگون يانيزا هاميميز بيرله شيب، يولا دوشه ريك محبتي، عشقي بوتون ائللره پايلاريق، هاميميز گؤزل ياشاريق بؤلوم : قوشوق، یاپیشغین لر : ایلیشگیلی لینک لر : چهارشنبه 3 مهر 1392 :: یازار: ادمين
قـارداش ديلك لـردن دانيش! يـار دؤشلري، سينميش اورك لردن دانيش! داغـلار تـانيشديـر دويـغومـا، گـؤزلــر يـانـاشديـر باغريما ديل بيلمه يَن يولسوز كولك لــردن دانيش! سينميش بيلك لردن دانيش!
قـايناق:زبان و ادبيات تركي خراساني زلال (دادا بيلوردي) بؤلوم : قوشوق، یاپیشغین لر : ایلیشگیلی لینک لر : چهارشنبه 20 شهریور 1392 :: یازار: ادمين
 سو دئييبدير منه اولده آنام آب كي، يوخ يوخو اؤيرتدي اوشاقليقدا منه، خواب كي،يوخ ايلك دفعه كي، چورك وئردي منه نان دئمه دي ازليندن منه دوزدانه، نمكدان دئمه دي آنام، اختر دئمه يبديرمنه، اولدوز دئييب او سو دوناندا، دئمه ييب يخدي بالا، بوزدئييب او بؤلوم : قوشوق، یاپیشغین لر : ایلیشگیلی لینک لر : |
||
یاپیشغین لر
باغلانتی لار
سون یازی لار
|
