ابزار هدایت به بالای صفحه

ديل نه‌دير؟

ديل، اينسانلار آراسيندا آنلاشماني ساغلايان، اؤزونه مخصوص قانونلاري اولان و فقط بو قانونلار چرچيوه‌سينده (محدوده ) گليشن، تملي بيلينمه‌ين زامانلاردا آتيلميش، سسلردن هؤرولموش بير آنلاشما سيستمي‌دير.

ديلين اؤنمي و اؤزلليكلري :

* ديل، پيشرفته بير ارتباط وسيله‌سي‌دير.

* ديل، سسلردن اولوشموش بير آنلاشما سيستمي‌دير.

* تام آنلامي ايله آنلاتما و آنلاشما؛ سسلردن هؤرولو قوراللار بوتونو اولان «ديل» ايله ساغلانير.

* ديل، دوشونجه و زكانين بير نشانه‌سي‌دير.

* ديل، جانلي بير وارليقدير.

* ديل، اجتماعي بير وارليقدير.

* ديل، بير اورتاقليقدير.

ديلين توپلوم حياتينداكي يئري و اؤنمي :

* ديل بيرلييي، ملّتي اولوشدران اؤزلليكلرين باشيندا گلير.

* بير ملّتين ديلي؛ اونون تاريخي، ديني و كولتورو ايله ايچ-ايچه‌دير.

* ملّت اوچون لازم اولان هر شئي، ديلده ساخلانير.

* ديل؛ ميلّتين معنوي و كولتور ديَرلريني (فرهنگي ارزشلريني)، ملّت اولابيلمه اؤزلليكلريني بنيه‌سينده سيم-سيخي محافظه ائدير.

* ديل، ملّتي ميدانا گتيرن بيرئي‌لر (فردلر) آراسيندا اورتاق دويغو و دوشونجه‌لر ميدانا گتيرير.

* ديل، ملّتين بيرليك و بوتونلويونو ساغلايان ان گوجلو باغدير.

ديل- كولتور ايليشكي‌سي :

ان گئنل آنلامي ايله كولتور بير توپلومون مادي و معنوي ساحه‌ده اورتايا قويدوغو توم اثرلردير. توپلوم‌لارين ياشام بيچيملري، گله‌نك-گؤره‌نكلري، استفاده ائتديكلري وسيله لوازماتي، اينانجلاري، ديلي، صنعت آنلاييشي و... كولتورو تشكيل وئرير.

اجتماعلار يوزايللر بويو مادي و معنوي ساحه‌ده چوخ ديَرلي اثرلر اورتميشديرلر. بو اثرلر گله‌جك نسيل‌لره ديل سايه‌سينده انتقال تاپير. مثلاً ايسلاميت’دن اؤنجه‌كي دؤنمه عايد داستان، قوشوق، ساغو، ساو‌لار، اورخون يازيت‌لاري، دده قورقود حكايه‌لري، يونوس ائمره’نين شعرلري ديل سايه‌سينده‌ گونوموزه دك ياشاميشدير‌لار. بو گونكو گنجلر او اثرلري اوخوياراق او دؤنمله ايلگي‌لي بيلگي صاحبي اولابيليرلر. بو بيلگيلنمه ديل سايه‌سينده اولماقدا‌دير. بو باخيمدان ديل اؤنملي بير كولتور داشيييجي‌سي‌دير.

ديل و كولتورون اورتاق اؤزلليكلري :

آ) ديل و كولتور كئچميش ايله گله‌جك آراسيندا بير كؤپرو وظيفه‌سي گؤرور.

ب) بير توپلومون اولوشماسيندا و آياقدا قالماسيندا اورتاق ديل و كولتورون اؤنئملي بير پايي واردير.

ج) كولتور و ديل بير توپلومون ياشاييش طرزيندن اؤنملي ايزلر داشير.

د) كولتور و ديل بير ملّتين ان اؤنملي اورتاق اؤزلليكلريندن‌دير.

لهجه : بير ديلين تاريخ ايچريسينده بيلينمه‌ين بير دؤنمده اؤزوندن آيريلميش اولوب بؤيوك فرقليليكلر گؤسترن قوللارينا دئييلير. مثلاً: چوواشجا، ياقوتجا.

شيوه : بير ديلين بيلينن تاريخي سئيري ايچينده اؤزوندن آيريلميش اولوب بعضي فرقليليكلر گؤستَرن قوللارينا دئييلير. مثلاً: قيرقيزجا، قازاقجا، آذربايجان توركجه‌سي….

آغيز : بير اولكه ايچينده عيني ديلين فرقلي دانيشما شكيللرينه دئييلير. يؤره‌لره گؤره سؤيله‌ييش فرقليليكلري واردير آما يازيليش عيني‌دير. مثلاً: قارادنيز آغزي، ائگه آغزي….

دانيشما ديلي و يازي ديلي:

كلمه داغارجيغي يازي ديلينه گؤره محدود اولان و گونده‌ليك حياتدا استفاده اولونان دوغال ديله دانيشما ديلي دئييلير. بير اولكه‌ده رسمي ديل اولاراق قبول ائديلن و هر ساحه‌ده عيني قوراللارلا استفاده اولونان ديله يازي ديلي دئييلير.

دانيشما ديلي و يازي ديلي آراسينداكي فرقلر:

آ) بير اؤلكه‌ده بير يازي ديلي واركن بيردن چوخ دانيشما ديلي واردير.

ب) دانيشما ديلي دوغال‌(طبيعي)دير يازي ديلي دوزلتمه بير ديلدير.

ج) يازي ديلينده قوراللار واركن دانيشما ديلينده يوخدور.

د) يازي ديلي‌نين استفاده ساحه‌سي دانيشما ديلينه گؤره داها گئنيشدير.

ائ) دانيشما ديلي گونده‌ليك حياتدا فرقليليك گؤستَرركن يازي ديلي گؤسترمز.

آرگو: بير ديل ايچينده بللي بير گروهون سؤزجوكلره يئني آنلاملار وئره‌رك قوللانماسييلا اولوشان دانيشما شكلينه دئييلير.

* بو سؤزجوكلر آنجاق بو گروه ايچينده استفاده اولونور و بو گروها داخل اولان شخصلر آنلاملاريني بيله‌بيلير.

* آرگو گونده‌ليك حياتدا و ادبياتدا بير ملزمه اولاراق استفاده اولونابيلر.

قايناق:سالاريان